تسعه صفات بتكرهها المرأة في الرجل

D:
1. البصباص
هاد بتضل عيونه طايره عالنسوان وين ما كان حتى لو مرته جنبه ما بيتستحي منها بيضل لاحش عيونه بين الحريم وحى لما بيتفرج عالاخبار بيكونوا عيونه عشره عشرة عالمذيعه
بدها عيونه قلع هاد

2.المزواج
كل سنه بيتزوج تنتين اذا مو اكتر
النسوان عنده متل الالعاب بيبدلون ايمتى ما بده
ماعنده مراعاة لمشاعر المرأة او حقوقها
عالغالب بيكون غني ومليان
هاد متل النسناس كل ما عجبه غصن شجرة نط عليه ونسي الاولاني
ولي عليه هاد

3.الناعم المترف هاد متل النسوان
بتلاقيه ما بيلبس الا حرير من احسن الانواع
وكل يوم بيبدل عطر
بيتنافس هوه ومرته مين عنده اكتر عدد من الكريمات
وميزانية البيت رايحه اواعي وعطور وصبابيط اكرمكم الله

4.المهمل هاد قمة في الوساخه والقذارة رأيه انو الترتيب والنضافه من اهتمامات المرأة
اواعيه بدن تلت دوارت بالاتومتيك
ويمكن ما ينضفوا
قمصانه ما بغيرها الا لما تصير للكب
بيتغسل بالشهر مرة اذا صادف عيد الفطر بعد عيد راس السنه بيكونوا مرتين
يععععععععععععععععععععععععع

5. البخيل هاد بيضل بيعد المصاري وبخبيهن
بتضل مرته خجلانه من اهلها لانه بتروح لعندن دايما بنفس الروب
الولاد بتلاقيهن بيضلوا مريضانين ومسلولين من قلت الاكل
وكل يوم بالليل بتصير مناحه مشان مصروف الولادللمدرسه تبع تاني يوم الصبح
الله لا يوفقوا قولوا آمين

6. المنان
هاد بيضل بيمننهن
انا جبت انا عطيت و انا عملت
اذا جاب هدية لمرته مابتفرح لانها بتعرف انو رح يضل سنه او اكتر عم يمننها
اذا اخد ولاده مشوار بيضل طول ماله قاعد
انا اخدتكن
انا وديتكن
شوفوا قديش كلفني المشوار
الله يعين مرته حياة بتطقق

7. صاحب المزاج الصعب
باللبس ..بالاكل ..بالالوان ..حتى بأسماء الولاد
بدو كلشي على كيفه
وبما انو زوقه صب ما بيصير شي على كيفه
بيضل بيشتكي
الملح قليل بالاكل
السكر كتير بالشي
القهوه مره
فستانك مو حلو لو كان هيك كان احلى
لو كنت انا بدل مرته كنت قلتله اذا ما عجبك لا تطّلع علي والشاي والقهوه والاكل اذا ما عجبوك اعملن انته المره الجايه
ولا شو رأيكن صبايا ؟

8.ضعيف الشخصيه
هاد من ايد امه لايد مرته ومن ايد مرته لايد حماته
اسرار بيته كلها عند ابوه واخواته قال للاستشاره
ما بيعرف يقول لاء وممحيه من قاموسه جملة انا بدي هيك
يعني هاد احسن الموجود .ماهيك ؟

هاد اصعب واحد برأيي
9. الغضوب
هاد متل الرجل الاخضر ( عرفتوه هاد الي بينتفخ وبييكبر وبيصير اخضر لما بيعصب وبيرجع بينفس لما بيروق) بس المشكله انو صاحبنا هاد ما بيروق
لما بيدخل عالبيت البيت كله بيسكت
اله نظرات متل النار
يا ويله الي بخالفله رأي او بيقله لاء
اذا عصَّب عليه لسان يا لطييييييييييف
وما بيضحك حتى بالتصوير
بيعد حركات زوجته بالوحده لدرجة انو ممكن يعد انفاسها عليها
بيدمر البيت بسبب سرعة انفعاله
لانه اذا زعل بيرمي اقرب شي اله
مكوايه صحن كاسه طاوله .......... الخ الخ الخ

بقى شو رايكن صبايا لو كان مافي قدامك غير هالخيارات التسعه شو بتختاري ؟؟؟؟

يا الله شو بكره الرجل لما بكون الناعم المترف هاد متل النسوان

ولو كان مافي قدامي غير هالخيارات التسعه شو باختار ؟؟؟؟

ما باختار ابدا لانه صعب اعيش مع شخص في صفه وحده من هدول كله

بفضل اضل عند اهلي معززه مكرمه ولا اخد واحد هيك حتى لو نص صفه ن هدول واتغلب معه باقيت حياتي

هدا رائي يممكن عند غير بختلف كتييييييييير lol!

ويسلموووووو ع موضوع flower

كل الصفات اللي ذكرتها صعبة
والاختيار منها اصعب
انا لو عني ما بختار
هادي عيوب صعب تصليحها
فليش أورط حالي

شكرا على ردودكم

على كل حال في مليون صفة بكرها الرجل في المرأة

انا عجبني مقطع رح اعلق عليه

((ضعيف الشخصيه))

في حدا بقدر على المرأه غير رب العالمين.........

مثل مشهور بيحكي((اذا كان الرجل زميل ابليس فان المرأه معلمته))

اقبلو مروري........

شكرا لكم على ردودكم